((( ما تزعليش يا قطة ... بكرة تبقي تويوتا )))

((( ما تزعليش يا قطة ... بكرة تبقي تويوتا )))

جملة عجبتني كانت مكتوبة علي قفا توك توك

بسيطة و دمها خفيف ...

لكن جملة بين سطورها كل معاني الحياة

و الاصرار و التحدي

السواق بيقول للتوك توك بتاعه ماتزعلش

... بكرة تبقي تويوتا

بيقوله هحلم و هحقق حلمي

بيقوله مصمم (( مادام حلمي مشروع ))

ساعتها حسيت لما قريت الجملة دي

ان الشعب المصري ده من أقوي شعوب العالم

عنده صبر أيوب

طبعا

أومال ازاي صبر علي ظلم فرعون ... و قوة هامان

و غني قارون الفاحش

و ازاي كل يوم بيحفر في الصخر

عشان يعيش

و بيبتسم في كل لحظة

في عز آلامه و حزنه

عمار يا أوكرانيا

قصدي عمار يا مصر

بس لو ما كونتيش منهوبة !!!

دعوة لكل مصري أن يتمسك بحلمه (( المشروع ))